منتــــــــــــــــــــــدى الرقبـــــــــــــــــاء

المواضيع الأخيرة

» انا فلسطينية
الخميس يوليو 02, 2009 12:26 am من طرف زعنون

» حبيت اعايدك
الأربعاء يوليو 01, 2009 10:41 am من طرف زعنون

» الحركة السياسية في إريتريا
الأربعاء يوليو 01, 2009 10:39 am من طرف زعنون

» غربة المسلمين في ملاوي
الأربعاء يوليو 01, 2009 10:31 am من طرف زعنون

» استعمار في الصومال
الأربعاء يوليو 01, 2009 4:02 am من طرف زعنون


    فتوش النكبة

    شاطر
    avatar
    زعنون
    نقيب
    نقيب

    عدد المساهمات : 244
    السٌّمعَة : 3
    تاريخ التسجيل : 18/06/2009
    العمر : 27
    الموقع : نابلس

    فتوش النكبة

    مُساهمة  زعنون في الإثنين يونيو 29, 2009 7:18 am

    فتوش النكبة...بقلم: عبد الحميد عبد العاطي



    من يوم ما وعيت

    وأنت بتحكيلي.. كشيخ

    عن ترابنا وعاداتنا..

    أكلاتكم وأكلاتنا

    عن البصارة والفول




    وحَب البصل المفحول

    عن قعدتكم تحت الشجرة

    ورغيف خبز بتقسم لعشرة

    عن موسم الزيت والزيتون

    وكيف المغني و اليرغول

    عن أعراسنا وليالينا ما يحول

    ودربكة على دلعونة

    وسقا الله نعاود يا مزيونة

    عن حلاق مطاهر ومداوي

    عن غرفة طين وذياب بتواوي

    عن حمارة فلتت

    ولحقتها الحارة

    ولما رجعوا ما لقوا إلا الختيارة

    عن البساطة والجود

    عن دار الكتاب

    والخيمة الزرقا

    والبحر والسمك المخدود

    عن باص يتيم بطيركم

    من عكا ليافا للسدود

    يا شيخ ..

    زهقت الحكي

    وكثر القيل والقال

    زهقت كلمة أيام البلاد

    أنا وقت الهجرة عشت

    أنا وقت الهجرة ما كنت بس سمعت

    وعن واحد ثاني بقول :

    كنت لساتني بحضن أمي

    لكن دموعها منقوشة بتمي

    يا جدي : أنا راح احكيلك واحكيلك

    حتى تسبق أولاد جيلك

    وتصير عالم بالتاريخ

    وتذوق القصة لغيرك

    يا جدي:أنا بعرضك دخليك

    لا بدي ترويلى ولا ارويلك

    وديني على بلادي

    على يـبـنـــــا مايو فوادي

    وديني ..

    عكروم العنب والنكبة

    على بير الميا العكرة

    واتركني غريب

    و لا تسال عليا

    يا جدي : بخاف عليك

    يا جدي.. يا جدي

    ما تخاف ...

    راح تعرفني جبالها .. وسهولها.. وديانها

    راح تعرفني زهورها وطيورها وغزلانها

    راح تعرفني صخورها وجحورها ورمالها

    وخطاك يا جدي متزوجة الأرض ..

    أنسيت ...!؟

    غير أولادك ما بحلالها

    يا جدي: اليهود معمرين فيها

    والطريق عليها عيون مفتحة

    من حواجز وأسلاك

    والشجر كله بتكلم

    ما بتعرف مين معهم ومين معاك

    يا جدي: حطني بعلبة كبريت

    وبجيب الصدر خبيني

    واطلع قبل الشمس

    ومن فوق الليل وارميني

    يا جدي: شو بتقول ..

    كلامك مش معقول ...!!

    يا جدي: بدى أشوفها

    بدى أكحل حنيني بكفوفها

    بدي لو مرة أبوس قطوفها

    يا جدي: اخ .. اخ ولو بقدر ...

    يا جدي:طيب ليش بتحكيلي

    يا جدي: عشان تكبر وهي فيك

    وتعمر بأشعارك وأغانيك

    يا جدي: بس عشان هيك

    عشان يقولوا ما انسينا

    لا يا جدي .. لا يا جدي

    بيارتنا اللى بوادي الحمام

    ما بترجع بالكلام

    ولا بقصة ألف ليلة وليلة

    ولا بترجع بالسلام

    ولا بترجع بمفتاح مخبى

    ولا حتى بجيوش الأنام

    هدول مثل الأنعام

    يا جدي: كيف بترجع الأوطان..؟!!

    يا جدي : فلسطين بترجع بس ...

    إذا الوحدة والإرادة سبقتنا

    إذا كنا اثنين بواحد

    والصدق والحب عملتنا

    ويا جدي: فتوش النكبة شلفطتنا

    و اللي مش قادر... ما يأكل بصفرتنا
    رد مع اقتباس

      الوقت/التاريخ الآن هو السبت نوفمبر 18, 2017 8:19 pm